ಜೀವ(ನ)

ಬಾನೆತ್ತರದ ಕಟ್ಟಡದಿ ಮಿಸುಕಾಡದೆ ಕುಳಿತಿಹುದು
ಯಂತ್ರ, ಯಾಂತ್ರಿಕರ ನಡುವೆ ಜೀವ ಕಳೆಗುಂದಿಹುದು
ಮೌಲ್ಯವಿಲ್ಲದೆ ಗುರಿಯನರಸುತ ತಾ ಸುತ್ತಿ ಬಳಲಿಹುದು
ಕಾಂಚಾಣದ ನೆರಳಿನಲಿ ಜೀವಕಾಂತಿ ಮಸುಕಾಗಿಹುದು
ವಿದ್ಯುದ್ದೀಪದಡಿ ದುಡಿಯುತ ಕಾಲ ಕಳೆಯುತಿಹುದು
ತಾನ್ ರಾಜ ದರ್ಬಾರಿನ ಮೂಲೆಯ ಕಸವಾಗಿಹುದು

ಸ್ಫೂರ್ತಿ

ಯಾರು ದಿನವು ತರುವಳೋ ಎನ್ನ ಮನಕೆ ಹರುಷವ
ಯಾರು ದಿಟದಿ ಕೇಳ್ವಳೋ ಎನ್ನ ಮನದಾಕಾಂಕ್ಷೆಯಾ
ಯಾರು ಮೆಚ್ಚಿ ನಲಿವಳೋ ಎನ್ನ ಆಯ್ಕೆ ಬಯಕೆಯ
ಅವಳೇ ನನ್ನ ಜನನಿಯು ಜಗಕೆ ನನ್ನ ಕೊಟ್ಟಳು
ನನ್ನ ಸ್ಫೂರ್ತಿ ಚಿಲುಮೆಯು

ಪ್ರೀತಿ ಹಳೆಯದಾ?

ನಿನ್ನೆ ಮಾಡಿದಾ ಅಡುಗೆ
ಇಂದು ಹಳೆಯದು
ನಿನ್ನೆ ನಡೆದಾ ದಾರಿ
ಇಂದು ಹಳೆಯದು
ನಿನ್ನೆ ಓದಿದಾ ಕವನ
ಇಂದು ಹಳೆಯದು
ನಿನ್ನೆ ಮಾಡಿದಾ ಪ್ರೀತಿ
ಇಂದು ಹಳೆಯದಾ?