ಸ್ಫೂರ್ತಿ

ಯಾರು ದಿನವು ತರುವಳೋ ಎನ್ನ ಮನಕೆ ಹರುಷವ
ಯಾರು ದಿಟದಿ ಕೇಳ್ವಳೋ ಎನ್ನ ಮನದಾಕಾಂಕ್ಷೆಯಾ
ಯಾರು ಮೆಚ್ಚಿ ನಲಿವಳೋ ಎನ್ನ ಆಯ್ಕೆ ಬಯಕೆಯ
ಅವಳೇ ನನ್ನ ಜನನಿಯು ಜಗಕೆ ನನ್ನ ಕೊಟ್ಟಳು
ನನ್ನ ಸ್ಫೂರ್ತಿ ಚಿಲುಮೆಯು

ಪ್ರೀತಿ ಹಳೆಯದಾ?

ನಿನ್ನೆ ಮಾಡಿದಾ ಅಡುಗೆ
ಇಂದು ಹಳೆಯದು
ನಿನ್ನೆ ನಡೆದಾ ದಾರಿ
ಇಂದು ಹಳೆಯದು
ನಿನ್ನೆ ಓದಿದಾ ಕವನ
ಇಂದು ಹಳೆಯದು
ನಿನ್ನೆ ಮಾಡಿದಾ ಪ್ರೀತಿ
ಇಂದು ಹಳೆಯದಾ?

ಅಪ್ಪ

ಅಪ್ಪ ಅಪ್ಪ ನನ್ನ ಮುದ್ದು ಅಪ್ಪ
ನನ್ನ ಜೊತೆ ಆಟ ಆಡು ಬಾರೋ ಅಪ್ಪ
ಗೆಳೆಯರೆಲ್ಲ ನನ್ನ ಬಿಟ್ಟು ಹೋಗ್ತಾರಪ್ಪ
ನೀನೆ ಬಂದು ಒಂದು ಮಾತು ಹೇಳೋ ಅಪ್ಪ
ನಿನಗೆ ತಿಳಿದ ಆಟವೆಲ್ಲ ಕಲಿಸೋ ಅಪ್ಪ
ಗೆಳೆಯರೊಡನೆ ಆಡಿ ಗೆದ್ದು ಬರುವೇನಪ್ಪ
ಆಟ ಮುಗಿಸಿ ಬೇಗ ಬಂದು ಓದುವೆನಪ್ಪ
ಓದಿ ಬರೆದು ನಿನ್ನಂತೆಯೇ ಆಗುವೆನಪ್ಪ
ಪಾಠ ಮಾಡಿ ಮೇಷ್ಟರಾಗಿ ನಲಿಯುವೆನಪ್ಪ
ಅಪ್ಪ ಅಪ್ಪ ನನ್ನ ಮುದ್ದು ಅಪ್ಪ
ನನ್ನ ಜೊತೆ ಆಟ ಆಡು ಬಾರೋ ಅಪ್ಪ

ನನ್ನ ತಾಯಿ

ಹೊತ್ತವಳು ಹೆತ್ತವಳು ಬೆಳೆಸಿದವಳವಳು
ಕೈಯ ಹಿಡಿದು ವಿದ್ಯೆಯ ಕಲಿಸಿದವಳವಳು
ಕಥೆ ಹೇಳಿ ನೀತಿಯನು ತಿಳಿಸಿದವಳವಳು
ಸರಿ ದಾರಿಯ ತೋರಿ ನೆಡೆಸಿದವಳವಳು
ಮನುಜರೆಲ್ಲರೆ ಕೇಳಿ ನನ್ನ ತಾಯಿಯವಳು

ನೆನಪು

ನಿನ್ನೊಡನೆ ಮಾತಾಡದ ಆ ಬರಡು ದಿನಗಳಲಿ
ನಿನ್ನ ಮೊಗತೊರದ ಆ ಬರಡು ಚಿತ್ರಗಳಲಿ
ನಿನ್ನ ದನಿತಾರದ ಆ ಬಿರುಗಾಳಿಯಲಿ
ಪ್ರೀತಿಯ ಚಿಗುರಿಗೆ ನೀರಾಗಿರುವುದೇ ನಿನ್ನ ನೆನಪು