ಮಿಡಲ್-ಕ್ಲಾಸ್

ಸೈಟು-ಮನೆ, ಬ್ಯಾಂಕು-ಲೋನು

ಕಾಗದ-ಪತ್ರ, ಕಾಯಿದೆ-ವಾಯಿದೆ

ನೌಕರಿ-ಚಾಕರಿ, ಕೂಲಿ-ಕಾಸು 

ಮಿಡಲ್-ಕ್ಲಾಸ್ ಜನರ ಜೀವನವಾಯ್ತು 

 

ಜೀವ(ನ)

ಬಾನೆತ್ತರದ ಕಟ್ಟಡದಿ ಮಿಸುಕಾಡದೆ ಕುಳಿತಿಹುದು
ಯಂತ್ರ, ಯಾಂತ್ರಿಕರ ನಡುವೆ ಜೀವ ಕಳೆಗುಂದಿಹುದು
ಮೌಲ್ಯವಿಲ್ಲದೆ ಗುರಿಯನರಸುತ ತಾ ಸುತ್ತಿ ಬಳಲಿಹುದು
ಕಾಂಚಾಣದ ನೆರಳಿನಲಿ ಜೀವಕಾಂತಿ ಮಸುಕಾಗಿಹುದು
ವಿದ್ಯುದ್ದೀಪದಡಿ ದುಡಿಯುತ ಕಾಲ ಕಳೆಯುತಿಹುದು
ತಾನ್ ರಾಜ ದರ್ಬಾರಿನ ಮೂಲೆಯ ಕಸವಾಗಿಹುದು